తొలిపరిచయం

వేణు రావుల ఈ అబ్బాయ్ చాలా మంచోడు..





పాటల పల్లకి నేనే
మాటల వెల్లువ నేనే
చల్లని వెన్నెల నేనే
నవ్వుల జాబిల్లి నేనే

రంగుల హరివిల్లులోని
రాగాల రారాజుని నేనే నేనే !


గలగల పారే గోదారి నేనే
కిలకిల నవ్వే కావేరి నేనే
పరుగులు తీసే కృష్ణమ్మ నేనే
పరవళ్ళు తొక్కే గంగమ్మ నేనే


సృష్టికి మూలమైన మాతృప్రేమకి
శిరసు వంచి సదా ప్రణమిల్లే పుత్రరత్నాన్ని నేనే
స్వరఝరులు సంగమించే మహా సాగరాన్ని నేనే నేనే


మనసైన పలకరింపులకు
పులకరింతల బదుళ్ళు పలికే

సుస్వరాల సుమధుర వేణు నాదాన్ని నేనే




కొంచెం అమాయకత్వం
కొంచెం ఆకతాయితనం
కొంచెం కొంటెతనం
కొంచెం చిలిపితనం
కొంచెం సౌకుమార్యం
ఇంకొంచెం విధేయత
మరికొంచెం బాధ్యత

చాలా మంచితనం

ఇన్ని రంగులున్న
అందమైన నా జీవితంలో
నేడు ఓ సుందరమైన ఘట్టం

బ్లాగులోకంలో తొలిఅడుగు వేసే
సువర్ణావకాశం..... ఈ నాటికి నాదైతే

నా ప్రతి అడుగును గమనిస్తూ
నా భావాలు పంచుకుంటూ
నను ముందుకు నడిపిస్తారని ఆశిస్తున్నాను





---- Rainbow Flute ---- Venu Ravula --- ఈ అబ్బాయ్ చాలా మంచోడు..!